Kraftsituasjonen veke 34, 2020
Høgare overføringskapasitet mellom prisområda i Noreg
Kraftprisen i alle prisområda i Noreg var i førre veke den høgaste på 12 veker. Gjennomsnittleg kraftpris i Noreg låg på 5 øre/kWh i veke 34, ei auke på 1,5 øre/kWh frå veka før. Kraftprisane er likevel enno særs låge for årstida.
Planlagt vedlikehald fleire stader i kraftnettet har dei siste to vekene ført til redusert overføringskapasitet mellom prisområda i Noreg. På tysdag og onsdag førre veke var mykje av arbeida fullført, noko som opna opp for meir kraftflyt på tvers av prisområda. Som eit resultat auka kraftproduksjonen i Vest-Noreg samanlikna med veka før.
