Publisert 25.10.2017

Kraftsituasjonen veke 42 2017

Høgare kraftproduksjon.

Kraftproduksjonen i Noreg gjekk opp med litt under 10 prosent i førre veke. Mest auka produksjonen i Sør-Noreg. Varslar om meir regn i område med allereie fulle vassmagasin, gjorde at produksjonen gjekk opp for å gjere plass til vatnet. Kraftproduksjonen i Sverige gjekk òg opp med 10 prosent. Det heng saman med at planlagt vedlikehald i kjernekraftverka Forsmark og Oskarshamn vart ferdig i veke 42.

Høgare kraftproduksjon frå kjerne- og vasskraft bidrog til at kraftprisen i dei fleste nordiske elspotområda gjekk noko ned. Unntaket var Danmark, som hadde ei prisauke på 10 prosent.

Last ned kraftsituasjonsrapporten for veke 42 her. (PDF)

Kontaktperson

Seniorrådgjevar Gudmund Bartnes, tlf 997 44 267