Konsešuvdnaproseassat Finnmárkkus
NČE lea čađahan álgosillema, ja áigu sáddet 11 prošeavtta vuosttaš gulaskuddamii čakčamánus. 14 prošeavtta eai váldojuvvo fárrui viidáseappot. NČE áigu maŋŋel čađahit ođđa sillema.
Fápmu ja industriijalokten Finnmárkui
Cuoŋománu 8. b. 2023 almmuhii ráđđehus fápmo- ja industriijaáŋgiruššanplánaid Finnmárkkus, "Fápmo- ja industriijalokten Finnmárkui". Ráđđehus čujuhii váilevaš neahttakapasitehtii ja váttis fápmodillái, ja ulbmil lea buoridit fápmodili
Dán geažil áigu NČE boahttevuođas vuoruhit meannudit fápmolinjá- ja fápmobuvttadanohcamiid Finnmárkkus, koordinerejuvvon proseassas. NČE deattuha ahte mearrádusat dáin áššiin galget leat seammalágánat go eará konsešuvdnameannudeamis, mas leat konkrehta vihkkedallamat birrasa ja servodaga ovdamuniid ja hehttehusaid ektui juohke ovttaskas áššis.
NČE unnida áigeguovdilis prošeavttaid logu Finnmárkkus
NČE bijai áigemeari cuoŋománu 22. b. 2024 dieđihit ođđa plánejuvvon fápmobuvttademiid Finnmárkkus. Oktiibuot lei NČE ožžon 26 ođđa fápmobuvttadanplána Finnmárkkus áigemeari sisa. Dát leat ollu eanet go maid sáhttá hukset, ráddjejuvvon neahttakapasitehta geažil ja oppalaš váikkuhusaid geažil sámi kulturdoaimmaheapmái, lundui ja birrasii.
NČE lea čađahan álgosillema prošeavttaid dáfus, unnidan dihte logu prošeavttain mat sáddejuvvojit gulaskuddamii. Ođđa sillen čađahuvvo go mii leat ožžon eanet máhtu prošeavttaid birra, gulaskuddamiid, konsultašuvnnaid, gulahallančoahkkimiid ja čielggademiid bokte.
Prošeavttaid vuoruheapmi
NČE fágaidrasttildeaddji joavku lea árvvoštallan prošeavttaid, ovttasráđiid guoskevaš suohkaniiguin.
Prošeavttat mat jotkojuvvojit ja sáddejuvvojit gulaskuddamii 2024 čavčča leat:
Kjøllefjord bieggafápmorusttet
Skjøtningberg bieggafápmorusttet
Svartnakken bieggafápmorusttet
Laksefjorden bieggafápmorusttet
Oksefjorden bieggafápmorusttet
Nordkyn bieggafápmorusttet
Bjørnviktuva bieggafápmorusttet
Skarvberget bieggafápmorusttet
Rubbedalshøgda bieggafápmorusttet
Hamnefjell 3 bieggafápmorusttet
Reinelva bieggafápmorusttet
Prošeavttat mat vuoruhuvvojit vulos leat:
Rákkocearru (Raggovidda) 4 bieggafápmorusttet
Skallhalsen bieggafápmorusttet
Slettfjell bieggafápmorusttet
Adamselv bieggafápmorusttet
Davvi bieggafápmorusttet
Sandfjellet bieggafápmorusttet
Stjernøya bieggafápmorusttet
Dønnesfjord-NTE bieggafápmorusttet
Dønnesfjord II bieggafápmorusttet
Nordre Sørøy bieggafápmorusttet
Nordre Seiland bieggafápmorusttet
Kvaløya-Statkraft bieggafápmorusttet
Kvaløya-Nordkraft bieggafápmorusttet
Kokelv bieggafápmorusttet
Vuoruhaneavttut
Dát eavttut ledje vuođđun barggus:
- Suohkan áigu álggahit guovlomuddenproseassa
- Heive oktii Finnmárkku fylkkasuohkana bieggafámu regionála plánain
- Boazodoalu mielváikkuheami duođašteapmi - mii čuovvu stuoradiggedieđáhusa bieggafámu birra nannámis
- Eará máhttovuođđu mii lea fidnemis: Suodjalusberoštumit, sisaváldin fápmovuogádahkii, máhttovuođđu bieggafámu nationála rámma birra, čázádagaid suodjalanplána, árvvoštallamat mat ovdal leat dahkkojuvvon konsešuvdnamearrádusain seamma dahje guoskevaš guovlluin.
Goas sáhtán addit cealkámuša áššái?
NČE áigu 2024 čavčča sáddet guoskevaš prošeavttaid vuosttaš gulaskuddamii. Gulaskuddanáigodagas, mii bistá sullii 5 mánu, sáhttet buohkat buktit cealkámušaid NČE:i. Mii áigut maiddái lágidit álbmotčoahkkimiid ja konsultašuvnnaid.
Ođđa gulaskuddanvuorru dollojuvvo maŋŋel go čielggadeamit leat dahkkon ja ohcamat leat ráhkaduvvon. Dat dáhpáhuvvá árvideamis 2026:s.
Plánejuvvon bargu ovddasguvlui
NČE vuolggasadji lea ráđđehusa mihttomearri oažžut ođđa fápmobuvttadeami nehttii ovdal jagi 2030.
- 2024 čavčča: NČE sádde áigeguovdilis dieđihemiid gulaskuddamii árračavčča 2024, mas gulaskuddanáigemearri lea dálvet 24/25.
- 24/25 dálvvi: NČE mearrida čielggadanprográmma ja bidjá áigemeari ohcamiid sáddemii.
- 2025: Doaibmaálggaheaddjit čađahit čielggademiid ja ráhkadit ohcamušaid.
- 2026: NVE pláne sáddet ohcamiid gulaskuddamii.
- 2027: NVE dahká mearrádusa konsešuvnna hárrái.
Mii fuomášuhttit ahte leat ollu bealit mat sáhttet váikkuhit stuora áššiid konsešuvdnameannudeami ovdáneapmái, ja ahte áigeplána sáhttá rievdat.
Sámegiel jorgaleamit
NČE bivdá ahte oasit dieđáhusain mat galget sáddejuvvot gulaskuddamii, jorgaluvvojit davvisámegillii. Gáibádus guoská čoahkkáigessui, ja kapihttaliidda boazodoalu ja eará sámi beroštumiid birra. Mii sihtat maid kárttaid main leat báikenamat sámegillii.