420 kV kraftledning Sauda-Blåfalli og ny Blåfalli transformatorstasjon
- Tiltakshaver
- STATNETT SF
- Sakstype(r)
- Nett
- Saksnummer
- 202314829
- Status
- Utredningsprogram fastsatt
- Dato
- 18.03.2025
- Fylke
- Rogaland, Vestland
- Kommune
- Sauda, Etne, Kvinnherad
Noregs vassdrags- og energidirektorat (NVE) gjennomførte høyring av Statnetts tre meldingar 420 kV Sauda–Blåfalli, 420 kV Blåfalli–Mauranger–Samnanger og 420 kV Samnanger–Øygarden i perioden frå 16. oktober 2024 til 16. januar 2025. NVE har no fastsett utgreiingsprogram for Statnetts planar om ny 420 kV kraftleidning frå Sauda til Blåfalli og ny transformatorstasjon i Blåfalli. Dette tiltaket påverkar Sauda kommune i Rogaland og Etne og Kvinnherad kommunar i Vestland fylke.
Utgreiingsprogrammet er fastsett på grunnlag av det føreslåtte utgreiingsprogrammet frå Statnett, innkomne høyringsfråsegn og NVE sine eigne vurderingar. Utgreiingsprogrammet og notatet «Bakgrunn for utredningsprogram», der NVE grunngjev våre vurderingar. Dokumenta i saka er tilgjengelege i margen til høgre og på eInnsyn her.
NVE gjer merksam på at det fastsette utgreiingsprogrammet er ei prosessleiande avgjerd som ikkje kan klagast på. Konsesjonssøknaden og konsekvensutgreiingane, som Statnett no skal utarbeide, vil sendast på offentleg høyring der det vil vere mogleg å komme med innspel. Dersom det viser seg å bli behov for fleire opplysningar i konsesjonsbehandlinga, vil NVE kunne krevje tilleggsutgreiingar. Når NVE meiner saka er tilstrekkeleg belyst, vil vi vurdere om Statnett bør få konsesjon til tiltaket og på kva vilkår.