Klingråket ligg over Myra, på nordaust sida av Sunndalen, 20 km aust for Sunndalsøra
Fjellpartiet er avgrensa av ei baksprekk som følgjer ei gamal forkasting, og ei open sprekk mot aust. Mot vest er fjellpartiet frittståande. Fjellpartiet har eit velutvikla glideplan. Foten av fjellpartiet er sterkt oppsprukke. Volumet er beregnet til ca. 230 000 m3.
Målingar med båndekstensometer (2016–2017) viser bevegelse på 1-2 mm/år.
Eit skred kan nå nokre få bustadar og elva Driva. Ein potensiell dam vil bli ustabil, men sidan dammen blir låg, og det oppdemte vassvolumet lite, vil ikkje denne utgjere noko vesentleg fare.
Tiltak/oppfølging
Årleg nominelt sannsyn for eit skred er mellom 1/1000 og 1/5000, og det er nokre konsekvensar om det går eit skred. Fjellpartiet vil difor bli følgt opp, og det vil bli utført rørslemålingar.
