Opstadhornet er eit stort ustabilt fjellparti over Midfjorden på Otrøya, 17 km vest for Molde.
Fjellpartiet er avgrensa av ein 10–20 m høg bakskrent og er tydelege avgrensa i terrenget. Innad i fjellpartiet er det fleire sprekker og andre deformasjonsstrukturar.
Fjellpartiet er delt opp i fleire scenario. Scenario A omfattar heile det ustabile området og volumet er 20 millionar m3. Scenario B og C er avgrensa delar i ytterkant av området, og har volum på henhaldvis 1,6 millionar og 700 000 m3.
Differensielle GPS-målingar utført sidan 2003 viser bevegelsar rundt 2 mm/år. Datering av bakskrenten viser at hastigheita har vore jamn dei siste 14000 år.
Eit potensielt skred kan nå nokre bustadar. I tillegg kan eit skred frå scenario A og B nå fjorden og føre til ein tsunami. For scenario A kan dette ha store konsekvensar, blant anna for kan nå Molde sentrum. For scenario B, som har høgare sannsyn men mindre volum, er det utført ei detaljert flodbølge-modellering av NGI, og denne viser relativt få bygningar i oppskyllingssona.
Tiltak/oppfølging
Scenario A og C har årleg nominelt sannsyn mindre enn 1/5000, medan scenario B har årleg nominelt sannsyn mellom 1/1000 og 1/5000. Grunna sannsynet for scenario B og dei store konsekvensane for scenario A, vil objektet bli følgt opp med periodiske målingar. Satellittreflektorar blei satt opp i 2018, og periodisk måling med bakkebasert InSAR radar har vore utført sidan 2016.
