Løyve til regulering og uttak av vatn frå Onarheimvassdraget
NVE gjev Alsaker Fjordbruk AS løyve til regulering og uttak av vatn frå Onarheimvassdraget i Tysnes kommune i Hordaland. Vatnet skal nyttast til produksjon av settefisk.
Det er gjeve løyve til eit maksimalt vassuttak på 170 l/s og regulering av Onarheimvassdraget mellom 112,5 meter over havet og 111 meter over havet. Det planlagde settefiskanlegget vil produsere opptil 4 millionar smolt per år.
Det er sett krav om minstevassføring på 70 l/s frå inntaket i Onarheimselva, av hensyn til gyte- og oppvekstområder for sjøørret.
NVE vurderer i sum at nytten av tiltaket er større enn skadar og ulemper for private og allmenne interesser, og gjev difor løyve til det planlagde anlegget på fastsette vilkår.
