Tre løyve og fem avslag til småkraftverk på Helgeland

Publisert 28.04.2017

NVE gjev løyve til Kjerringåga, Kaldåga og Neverdalselva kraftverk i kommunane Lurøy og Vefsn. Heimstadelva, Langset, Forselva, Skjerva og Reinfjellelva kraftverk i kommunane Lurøy, Nesna, Leirfjord og Vefsn får avslag.

Dei tre kraftverka som har fått løyve, vil produsere om lag 26 GWh i eit medels år, noko som svarar til straumbruken til om lag 1300 husstandar. Prosjekta som fekk avslag kunne samla gitt om lag 48 GWh/år.

Reindrift, naturmangfald og landskap har vore sentrale tema i NVE si vurdering av desse prosjekta. NVE har gjeve konsesjon til kraftverka som gjev minst konflikt med desse allmenne interessene, og som samstundes vil bidra til produksjon av fornybar energi.

NVE har sett vilkår til det enkelte prosjektet for å redusere dei negative verknadane for allmenne interesser. Etter NVE si vurdering er det ikkje mogleg å gjera tilpassingar som kan bøte på dei negative verknadane for dei fem kraftverka som har fått avslag.

Søkjar	Kraftverk	Kommune	Produksjon (GWh/år)
Clemens Kraft AS	Kjerringåga	Lurøy	12,6
Clemens Kraft AS	Heimstadelva	Lurøy	Avslag
Småkraft AS	Langset	Nesna	Avslag
Norsk Vannkraft AS	Forselva	Leirfjord	Avslag
Norsk Vannkraft AS	Neverdalselva	Vefsn	8,7
Kaldåga Kraft SUS	Kaldåga	Vefsn	4,7
Norsk Vannkraft AS	Skjerva	Vefsn	Avslag
Norsk Vannkraft AS	Reinfjellelva	Vefsn	Avslag