Kraftsituasjonen veke 13, 2020
God ressurssituasjon og låge brenselsprisar bidrog til ytterleg reduserte kraftprisar
Koronasituasjonen har bidratt til reduserte prisar på gass og CO2-kvotar. Saman med god tilgang til vann- og vindkraft var dette med på å presse kraftprisen ned i heile den europeiske marknaden førre veke. God hydrologisk balanse og ein stabil vindkraftproduksjon har sedan starten av 2020 bidratt til at Norden har hatt relativt høg eksport for årstida.
I Noreg og Norden held likevel kraftetterspurnaden seg stabil trass i koronasituasjonen, og bidreg i liten grad til prisreduksjonen.
