Kraftsituasjonen veke 13, 2025
Mildare vêr bidrog til redusert forbruk og auka nettoeksport i Norden
Forbruket i alle land i Norden vart redusert i veke 13 samanlikna med veke 12, mellom anna på grunn av mildare vêr. Produksjonen vart om lag uendra, som betydde auka nettoeksport i både Noreg og Norden.
Kraftprisane i sørlege Noreg (NO1, NO2 og NO5) og Danmark auka noko i veke 13, medan prisane i resten av Norden gjekk ned. Vekeprisane i sørlege Noreg enda på mellom 48 og 52 øre/kWh, medan prisane i Midt- og Nord-Noreg (NO3 og NO4) enda på høvesvis 18 og 3 øre/kWh.
Måndag og onsdag var det i periodar lite vindkraftproduksjon sør i Norden og nord på kontinentet. Dette bidrog til enkelttimar med høge kraftprisar i sørlege Noreg og delar av Europa. Frå torsdag auka sol- og vindkraftproduksjon på kontinentet, noko som bidrog til periodar med låge prisar der. I desse periodane vart det importert kraft til sørlege Noreg. I helga fekk Tyskland fleire timar kor kraftprisen var negativ, medan prisane i sørlege Noreg vart 5 øre/kWh på det lågaste.
*Merknad: Ein datafeil gjorde at forbrukstala i kraftsituasjonsrapporten for veke 12 ikkje var rette. Dette er no retta opp.
Last ned kraftsituasjonsrapporten for veke 13 2025
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
Data for kraftsituasjonen
NVE lanserer no den første versjonen av «Data for kraftsituasjonen». Denne nettsida vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Vi tek gjerne imot tilbakemeldingar som kan bidra til å forbetre rapporten.
