Kraftsituasjonen veke 33, 2024
Auka prisskilnadar mellom Sørvest-Noreg og resten av Noreg
Kraftprisane auka i store delar av Europa førre veke. I Noreg var det små endringar frå veka før, med unnatak frå Sørvest-Noreg (NO2). Der auka vekeprisen med 16 øre, og enda på 59 øre/kWh. Resten av Noreg hadde ein vekepris på 16-18 øre/kWh. Ei viktig årsak til auka vekepris i Sørvest-Noreg var betrakteleg færre lågpristimar i helga enn veka før. Lågare sol- og vindkraftproduksjon ga høgare helgeprisar på kontinentet, og ga samstundes rom for auka norsk kraftproduksjon og nettoeksport frå sørlege Noreg.
Last ned kraftsituasjonsrapporten for veke 33 2024.
Ny kjelde til publiserte kraftprisar
Frå og med veke 33 bytter vi leverandør for kraftprisar i kraftsituasjonsrapporten. Dette påverkar tabell 8, og figur 15 og 16. Framover vil me ikkje publisere systemprisen eller kraftprisar for Estland. Ei anna endring er at vi framover vil nytte Noregs Bank sin valutakurs når me reknar om kraftprisen frå euro til norske kroner. Tidlegare nytta NVE Nord Pool sin valutakurs. Dette medfører at kraftprisane vi publiserer kan avvike noko frå prisar publisert av Nord Pool og andre aktørar som nyttar annan valutakurs.
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
Data for kraftsituasjonen
NVE lanserer no den første versjonen av «Data for kraftsituasjonen». Denne nettsida vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Vi tek gjerne imot tilbakemeldingar som kan bidra til å forbetre rapporten.
