Kraftsituasjonen veke 35, 2024
Framleis låge kraftprisar i store delar av Noreg
Det var framleis særs låge kraftprisar i store delar av Norden førre veke. Vest-Noreg (NO5) hadde den lågaste vekesprisen i Noreg på 4 øre/kWh og var det einaste området som hadde ein nedgang i kraftprisen. Høg fyllingsgrad og tilsig over normalen i Vest-Noreg gjorde vasskrafta mindre fleksibel. Då må vasskraftprodusentane produsere for å få ut vatn. Saman med lågare tilgjengeleg utvekslingskapasitet grunna vedlikehaldsarbeid bidrog dette til fleira timar med flaskehalsar i nettet. Vest-Noreg hadde difor fleire timar med den lågaste prisen i Noreg gjennom veka.
Søraust-, Midt-, og Nord-Noreg (NO1, NO3 og NO4) hadde ein vekepris på 7 øre/kWh, medan Sørvest-Noreg (NO2) hadde ein vekepris på 44 øre/kWh. Lågare fornybarproduksjon og høgare termisk kraftproduksjon nord på kontinentet bidrog til ein auke i kraftprisane på over 50 prosent samanlikna med veka før. Det bidrog til høgare produksjon og nettoeksport frå sørlege Noreg enn veka før. Vekeprisane nord på kontinentet var om lag 100 øre/kWh og over dobbelt så høge som i Sørvest-Noreg.
Last ned kraftsituasjonsrapporten for veke 35 2024
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
Data for kraftsituasjonen
NVE lanserer no den første versjonen av «Data for kraftsituasjonen». Denne nettsida vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Vi tek gjerne imot tilbakemeldingar som kan bidra til å forbetre rapporten.
