Kraftsituasjonen veke 36, 2024
Mindre vindkraftproduksjon gav høgare kraftprisar
Dei nordiske kraftprisane auka førre veke. Høg magasinfylling og flaskehalsar i kraftoverføringa til kontinentet og Storbritannia bidrog til at prisnivået likevel heldt seg lågt. Kraftprisane i Sørlege Noreg (NO1, NO2 og NO5) var høgast i første halvdel av veka. Låg vindkraftproduksjon og tidvis høge prisar i Nord-Europa bidrog til å løfte dei sørnorske prisane noko opp. Gjennomsnittsprisen for veka enda på 50 øre/kWh i Sørvest-Noreg (NO2), medan prisane i Søraust- og Vest-Noreg (NO1 og NO5) vart halvparten så høge. Siste halvdel av veka tok vindkraftproduksjonen seg opp. Desse dagane fekk kontinentet prisar rundt null i timane med mest sol. I desse timane førte import frå kontinentet til lågare prisar i Noreg, særleg i dei sørlege områda.
Magasinfyllinga i mange av magasina i Søraust-Noreg (NO1) er høg. Dette området fekk mykje nedbør i førre veke, og det er venta mykje nedbør i inneverande veke. Det gav høg vasskraftproduksjon gjennom heile veka, og bidrog til at kraftprisen vart lågare mot slutten av veka.
Last ned kraftsituasjonsrapporten for veke 36 2024
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
Data for kraftsituasjonen
NVE lanserer no den første versjonen av «Data for kraftsituasjonen». Denne nettsida vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Vi tek gjerne imot tilbakemeldingar som kan bidra til å forbetre rapporten.
