Kraftsituasjonen veke 35, 2020
Lågare temperaturar og auke i norsk kraftforbruk
Førre veke fall temperaturen i Noreg og forbruket auka. Midt-Noreg (NO3) hadde størst reduksjon i gjennomsnittleg temperatur og størst oppgang i forbruk samanlikna med førre veke.
Kraftprisane fortsette å auke i alle prisområda i Noreg i veke 35. Gjennomsnittsprisen i Noreg låg på 8,4 øre/kWh. Høgare prisar heng saman med mindre nedbør og ein redusert hydrologisk balanse. Dette gjer at vasskraftprodusentane i større grad klarer å halde tilbake vatn for å produsere seinare.
