Kraftsituasjonsrapporten veke 46 2017
Kaldt vær auka forbruket og kraftprisene følgde etter.
I førre veke gjekk temperaturen ned i heile Norden, noko som auka kraftforbruket. Det medverka til høgare kraftprisar dei fleste nordiske prisområda. Unntaket var dei danske prisane som gjekk ned grunna oppgang i vindkraftproduksjon.
Igjennom veka var forskjellen på den høgaste kraftpris og lågaste timepris i Noreg på 7 øre/kWh. Den låge forskjellen skuldast balansering med vasskraft. På kontinentet derimot var det ein veke med svært mykje volatilitet. I høglast på onsdag 15.11 vart den tyske prisen 119 øre/kWh. Den lågaste tyske prisen natt til søndag vart så vidt negativ.
