Kraftsituasjonen veke 16, 2021
Auke i vindkraftproduksjon og lågare kraftprisar
Gjennomsnittleg kraftpris i Noreg førre veke var 36,8 øre/kWh, som er ein nedgang på åtte prosent samanlikna med veka før. Nedgangen hang saman med blant anna lågare forbruk og auke i vindkraftproduksjonen i store delar av Norden. Det var spesielt ei stor auke i Sverige, der det var ei dobling i vindkraftproduksjon samanlikna med veka før.
Prisnedgangen vart størst i dei sørlege prisområda og det var framleis ein prisskilnad mellom dei sørlege og nordlege prisområda i Noreg. I nord var kraftprisen halvparten av prisen i sør.
Høg vindkraftproduksjon bidrog til enkelte timar med svært låge kraftprisar i store deler av Norden og nord på kontinentet. Noreg såg i mindre grad desse låge kraftprisane. Dette har blant anna si årsak i avgrensingar i importkapasiteten til Noreg frå Sverige og Danmark.
Rapporten inneheld også ein kommentar rundt uvisse i snømengde i NVE sine energianalysar.
